2019 ж. №196 ЖББ мектеп жанынан "Балауса" лагерінің ашылу салтанаты болды
Жаз айлары – мектеп оқушылары үшін ерекше ықыласпен күтілетін уақыт. Жыл бойы сабақ барысындағы тоқсан арасындағы берілетін күндер демалыс болып есептелгенімен, жаз кезіндегідей демалыстың мол мүмкіндігін бере алмайды. Жазғы демалыс – мектеп оқушыларының жалпы физиологиялық, сана – сезімдік, дүниетанымдық тұрғыда даму, жетілу кезеңі. Бастауыш және орта буын сыныптарының балалары үшін бұл уақыт өзінің қызығушылығымен айналысуына мүмкіндік береді. Сондықтан ұстаз - тәрбиешілерге оқушының бос уақытын дұрыс пайдалануға бағыттаудың, үйретудің мәні зор.
Бүгін 3 маусым 2019 ж. №196 ЖББ мектеп жанынан "Балауса" лагерінің ашылу салтанаты болды және тегін балмұздақтар таратылды. Балаларымызға қуаныш сыйлап, демеушілік көрсеткен Рахат ықшам ауданындағы жеке кәсіпкерлер:"Алматы","Рахат", "Арай","Аружан"дүкен иелеріне алғысымыз шексіз.