dle
alschool
Школы Алматы » Информация » Қазақ хандығына 550 жыл
Школы Алматы » Информация » Қазақ хандығына 550 жыл

    Қазақ хандығына 550 жыл


    Қазақстан бұл Ұлы дала елі! Ұлттың ұлылығын ұлықтаған бұл жолы да Елбасы. Нұрсұлтан Назарбаев өз сөзінде тарихын тасқа қашаған жұрт үшін Қазақ хандығының 550 жылдығын тойлау ұлылықтың тағы бір белгісі екенін ескертті. Сан ғасырда сансыз сынақты еңсерген еліміз үшін бұл мейрамның шоқтығы тым биік екенін де айтты. Әлем дағдарыс деп шабылып жатқанда біздің ел Қазақ хандығының 550 жылдығын жұдырықтай жұмылып атап өтуде.

    Қазақты қазақ еткен қайраткерлеріміз бен қара қылды қақ жарған билерімізді ұлықтайтын күн. Тура 550 жыл бұрын кемеңгер Керей мен жігерлі Жәнібек Қазақ хандығының іргесін қалады. Елбасы Нұрсұлтан Назарбаев мерекелік шаралардың шымылдығын түрді.

    «Кеңес одағы заманында мектеп оқушылар КСРО тарихы атты ортақ оқулықтан білім алды. Пышақтың жуандығындай ғана кітаптан тәлім алдық. Сондықтан жас ұрпағымыз ата тарихынан мүлдем алшақтап қалғаны белгілі. Елімізде батырдың не ханның ескерткіші, мәдени орталықтар немесе көше аттарыда болған жоқ. Оларға келеңсіз баға беріліп, қисынсыз айып тағылды», - деді Қазақстан Республикасының Президенті Нұрсұлтан НАЗАРБАЕВ.


    Тарихи ақиқатты тілге тиек еткен мемлекет басшысы Қазақияны – «Ұлы дала елі» деп атады. Бұл атау енді еліміздің жаңа брендіне айналуы тиіс. Қазақтың әргі-бергі кезеңіндегі ақтаңдақтарды Алты Алашқа танытуда біздің мойнымызға жүктелген тарихи жүк болмақ.

    Қуанышымызды бөлісуге Қырғызстан Президенті Алмазбек Атамбаев, Әзірбайжан президенті Ильхам Алиев, сондай-ақ, Түркия мен Түркіменстан мемлекеттерінің өкілдері келген.


    Похожие новости
  • Балдырғандар әлемі
  • Қала тынысы
  • 25 мамыр. Алматылық 7168 мектеп түлектері
  • Мінбер
  • ҰБТ тапсырған 45 946 бітірішілердің 13261-і шекті деңгейден өте алмады.

  • Добавить комментарий

    Запрещено использовать не нормативную лексику, оскорбление других пользователей данного сайта, активные ссылки на сторонние сайты, реклама в комментариях.